成都老碼頭火鍋 (已結業)

由食完到而家差唔多有一個星期，我嘅腦裏面仲有浮起呢間麻辣火鍋嘅味道，而且仲有好想再返去食嘅感覺。因為佢嘅湯底的確係好香，同埋最緊要嗰樣嘢係佢係我食齋嗰陣時候發生左最重要嘅作用，就係食左一餐好豐富嘅素火鍋。火鍋湯底我就揀咗外邊係紅油，入邊係豬骨，當材料未到嘅時候豬骨湯入邊已經會有一啲菇類，火腿同埋娃娃菜可以先食。配料方面我有幾個推薦的，炸芋頭係新鮮熱辣辣炸出嚟，炸過嘅芋頭外面會好似有襯衣跟住入邊就非常之粉，放埋落控油湯底嗰度食不但唔會太辣，總會有非常之香嘅香味。必食嘅係呢一個高原雪花秀球菌，佢望落去同我地食開嘅雪耳非常之似，佢都係一個球體。但係原來佢係一種非常之爽口嘅，當你煮得耐左之後，佢會較淋，但係都會維持着爽口嘅感覺，仲吸收晒紅油嘅香非常之刺激嘅辣。仲有嘅就係台灣豆皮，我平時其實都唔係好鍾意食台灣豆皮 ， 但係呢一個豆皮食落去除咗有豆香之外佢嘅回味會係一種香甜嘅味道，非常之特別。對於一個要食齋嘅人又要同D朋友出去食飯的確係有啲難度，但係估唔到今次唔食肥牛完全唔會覺得寡，反而覺得素更好食。