影片
更多
2021-11-08
78 浏览
見到網上有推文，加上openrice d食評都寫到到好似唔錯，馬上就book咗星期六12:30的brunch buffet～12:15到達餐廳門口，可能餐廳唔夠人手，門口一直冇人接待，本來都有一堆人喺門口等，見到一直冇人出嚟，有人好似book咗都唔再等，直接走人 12:25左右終於有人行出嚟，帶入座。職員服務都算唔錯，有禮貌，會跟單，不過喺門口等果陣見到大家都有d鼓譟。總體上菜速度有少少慢，最誇張喺個三色丼，隔離張檯明明畀我哋遲十分鐘落單，上得畀我哋快，見到人哋鮑魚都上埋，催單之後先有鮑魚上，半個鐘之後終於見到個丼。1️⃣主食三色丼同天婦羅蝦最出色。蝦大隻彈牙，新鮮炸起，好好食。而三色丼裡面的吞拿魚蓉加咗芝麻，提升香氣，應該叫少飯。最美味喺鮑魚，彈牙之餘味道啱好，可以食到鮑魚本身的鮮味而不會太鹹。2️⃣刺身還算新鮮，推薦甜蝦，鮮甜。第一次落單冇上鯛魚，加單都唔見有，追咗一次終於上嚟，食落好大泥味，好彩之前漏單。油甘魚有少少腥，三文魚還不錯。壽司可以忽略～3️⃣熟食方面，個人最中意雞翼，夠香口，夠入味。牛舌超厚一塊，食落有d似牛腩，燒得有少少干身。雞軟骨味道可以，但燒得太干啦。三文魚魚鰭超多油脂，香
12:15到達餐廳門口，可能餐廳唔夠人手，門口一直冇人接待，本來都有一堆人喺門口等，見到一直冇人出嚟，有人好似book咗都唔再等，直接走人 12:25左右終於有人行出嚟，帶入座。職員服務都算唔錯，有禮貌，會跟單，不過喺門口等果陣見到大家都有d鼓譟。總體上菜速度有少少慢，最誇張喺個三色丼，隔離張檯明明畀我哋遲十分鐘落單，上得畀我哋快，見到人哋鮑魚都上埋，催單之後先有鮑魚上，半個鐘之後終於見到個丼。
1️⃣主食三色丼同天婦羅蝦最出色。蝦大隻彈牙，新鮮炸起，好好食。而三色丼裡面的吞拿魚蓉加咗芝麻，提升香氣，應該叫少飯。最美味喺鮑魚，彈牙之餘味道啱好，可以食到鮑魚本身的鮮味而不會太鹹。
2️⃣刺身還算新鮮，推薦甜蝦，鮮甜。第一次落單冇上鯛魚，加單都唔見有，追咗一次終於上嚟，食落好大泥味，好彩之前漏單。油甘魚有少少腥，三文魚還不錯。壽司可以忽略～
3️⃣熟食方面，個人最中意雞翼，夠香口，夠入味。牛舌超厚一塊，食落有d似牛腩，燒得有少少干身。雞軟骨味道可以，但燒得太干啦。三文魚魚鰭超多油脂，香脆可口。至於其他食物就覺得麻麻了
4️⃣飲品方面推薦提子乳酸蘇打
张贴
