入面唔太大，都坐滿人。位同位之間都唔太遠，未至於好好坐咁囉，但又未到好唔好坐嘅。
網上見倒有個deluxe餐，諗住去試下嘅，點知去到話冇左喎，得返餐牌個啲。其實係唔係要有人定期更新下網上嘅菜單呢。
最後叫左個牛同海鮮餐，不過不失啦。個鮑魚唔會韌，但味唔太濃。個蠔有驚喜，本身唔太中意蠔，但味道可以嘅。薄燒牛就正正常常，蒜味好出。仲有炒飯加個炒菜，好飽。
整野食個師傅係小鮮肉，味道唔知啦，但上碟啲野食個樣係佢隔離個（有少少肉）嘅姨姨靚好多囉。
500蚊一個人，ok啦。
PS 我枱面張濕紙巾係個吉嘅袋，我自我安慰： 都好過連埋張用過嘅濕紙巾嘅
