明星海鮮酒家 (已結業)

呢日黎左大圍明星酒家食晚飯。母親節前一日，五月七日。目測都差唔多全場坐滿。之前飲茶都黎過幾次，試過有時等點心等好耐，漏單。今晚黎食晚飯，套餐唔太岩食，於是散叫。炒四季豆，蒸鮑魚，炒蜆，蝦伊麵，燒臘海蜇併盤，糖醋骨。整體全部都麻麻，蝦伊麵係普通海蝦，而且食落唔太新鮮，有少少梅。炒蜆無乜鑊氣，唔夠惹味。燒味併盤有叉燒，海蜇，燒鵝。味道還可以。炒四季豆又係麻麻，唔知係豆太老，定個汁問題，怪怪地咁。