皇后冰室 (已結業)

行過見到條隊好長，餐牌望都幾吸引，價錢中等，意粉，risotto，焗飯都有，重包埋湯同野飲。忌廉湯OK啦，茶餐廳質素。蒜茸多士蒜茸得好少又查得核突，重硬到成塊餅咁。 白汁菠菜龍脷柳焗飯，好既係好多汁，足夠送哂D飯有特，飯同魚柳份量好大，多D菠菜就好。味道冇乜驚喜，唔差既，就係港式茶餐廳白汁味。三文魚risotto個菇味夠濃，味道幾好，可惜飯粒既口感麻麻，又嚡又粉咁。見到隔離叫左長通粉，好彩冇揀，個汁好稀，通粉好淡唔入味。裝修幾特別，牆上面掛左好多模型車。衛生就麻麻，侍應上湯既時候跌左舊揸到一粒既紙巾係個碗側邊，好核突，實在影響食慾  出面有人等位，所以我地一食完，佢就放張單係枱面，暗示我地走。