沙嗲王 (已結業)

二月十五日同男友補祝倩人節。因為旺角太多人，我一諗就嚟這間沙嗲王，貪佢多位。結果真的不用等位。order 咗:1) 避風塘瀨尿蝦- 佢話足一斤，真係好大碟又嘢味。D瀨尿蝦都好大隻，咁嘅價錢實在抵食。2) 蟹肉西蘭花- 都幾大碟，蟹肉都多，不過個"獻"就比較稀，味道一般。3) 炸蝦餅- 唔夠彈口，頗油。個醬重好辣添。4) 炸饅頭- 好好味，饅頭個皮好脆。5) 日式海鮮燒餅- 好油。冇味道，除咗少少沙律醬响面就冇其它醬汁。唔掂！男友本來想食榴槤飄香，外面用威化紙包住，但係實在太飽，留返下次再試。