影片
更多
2014-07-13
4656 浏览
第三次黎食，巧合嘅系，无论系两个定四个人，我地坐极都系最近厨房嘅个一张枱，唔知系咪近厨得食呢？ 是日系杭州张生记杭州菜嘅最后一日，我地梗系唔会放过啦。叫左八珍烩鱼圆，杭州卤鸭，同个炆小牛肉拼玫瑰山药榚。八珍烩鱼圆 $268(杭州菜)----话说同一个餐牌重有一个$88蚊嘅清汤鱼圆，楼面介绍分别系八珍系多左8珍（我知好抽象），一时好奇，再加上八珍烩鱼圆有图（砂锅上，面头有几片金华火腿），就叫左八珍烩鱼圆。系第一个到嘅菜，男友同我父母都不期然哗左一声。唔系因为太靓，而系因为太清（睇相就知）。数黎数去都冇八珍不特止，原本系金华火腿嘅位置重变左做腊肠! 跟住叫个经理埋黎问，话清汤同八珍其实冇咩分别，就系多左个几片野?佢竟然答系! 连汤底都系同一个，只系八珍将个汤整左做玻璃芡。咁佢凭咩买贵几倍呀！八珍!咩叫八珍! 简直系令人愤怒嘅开头，因为同上两次嘅质素实在相差太远啦... 桂花糯米酿莲藕 $88-98 (杭州菜)---- 功夫菜，买少见少。好食，唔腻，莲藕松化，糯米软糯，桂花香甜。有古早味，值得一吃奶皇流沙包 $50-60----包软香，一拎上手已经感觉到中心有大量嘅空间，装住满满嘅奶皇
是日系杭州张生记杭州菜嘅最后一日，我地梗系唔会放过啦。叫左八珍烩鱼圆，杭州卤鸭，同个炆小牛肉拼玫瑰山药榚。
八珍烩鱼圆 $268(杭州菜)----话说同一个餐牌重有一个$88蚊嘅清汤鱼圆，楼面介绍分别系八珍系多左8珍（我知好抽象），一时好奇，再加上八珍烩鱼圆有图（砂锅上，面头有几片金华火腿），就叫左八珍烩鱼圆。系第一个到嘅菜，男友同我父母都不期然哗左一声。唔系因为太靓，而系因为太清（睇相就知）。数黎数去都冇八珍不特止，原本系金华火腿嘅位置重变左做腊肠! 跟住叫个经理埋黎问，话清汤同八珍其实冇咩分别，就系多左个几片野?佢竟然答系! 连汤底都系同一个，只系八珍将个汤整左做玻璃芡。咁佢凭咩买贵几倍呀！八珍!咩叫八珍! 简直系令人愤怒嘅开头，因为同上两次嘅质素实在相差太远啦...
桂花糯米酿莲藕 $88-98 (杭州菜)---- 功夫菜，买少见少。好食，唔腻，莲藕松化，糯米软糯，桂花香甜。有古早味，值得一吃
奶皇流沙包 $50-60----包软香，一拎上手已经感觉到中心有大量嘅空间，装住满满嘅奶皇。一咬开，哗!不得了! 啲奶皇流到要漏出黎咁制!奶皇重吉士味，重有一小粒嘅咸蛋黄，落足料令整个味道更上一层楼，绝对系重点推介。冇图，因为太好食，醒起要影相经已太迟...
蛋白杏仁茶 $60----系近年我食过最香杏仁味同蛋白最滑嫩的。香浓白嫩嘅杏仁奶香，加上口感滑嫩嘅蛋白，真系食完一碗已经觉得好养颜!以呢个甜品黎做结尾真系完美!
炆小牛肉拼山药玫瑰糕 $148(杭州菜)----热情嘅经理话系用安格斯牛黎炆，所以牛味特别香浓，入味得黎又够冧，真系值得一赞呀! 玫瑰山药糕味道清淡，但糕粉味太重，玫瑰味又欠奉，所以唔太推荐。可惜牛肉冇得单叫，一定要拼个玫瑰山药糕。
杭州卤鸭 $98 (杭州菜)---- 劲正!入味香浓，重有软骨，最难得系虽有肥膏但一啲都唔腻!
其他野食请睇下面图文~
顺道介绍埋之前食过嘅点心:
黑松露带子饺 $60----香黑松露味，成只饺包住肥满嘅带子，真系好满足!
炸芋角 $50----香、松、脆，显示出老师傅嘅功架，呢个老牌点心好食唔难，但要好食得黎唔油吕腻先至系真功夫!
金奖白雪龙皇炒面 $298----同外面嘅龙虾伊面唔同，帝苑轩用嘅系生面。原本以为会整成好似两面黄咁嘅炸面，但见到实物先知道原来唔系。实物卖相真系好靓，生面爽口弹牙冇碱水味，龙虾鲜甜，食得出嘅新鲜。
总结3次经验，服务真系好好，环境都又靓，虽然价钱贵左啲，但系胜在质素够稳定，而且会不定期推出唔同嘅主题菜黎保持新鲜感，所以仍然会继续支持。
题外话/补充资料：
提提各位，帝苑轩茶市比较忙，可以先订位以减少等候时间。而根据经理本人亲述，帝苑轩同对面东来顺嘅菜原来系可以混叫，各位有兴趣可能一次过食哂两间驰名中菜。另外，由于人多事忙会影响食物质素、服务质素同加大漏单可能，各位可以响2点后先入座。
(以上食记乃用户个人意见 , 并不代表OpenRice之观点。)
张贴
