影片
更多
2008-10-29
21 浏览
自問最愛就係去大排檔開餐，取其風味一流，環境氣氛絕佳，不過身在九龍區的我卻遺忘左呢間野﹗石峽尾街的愛文生，兩三年前來過一次，不過那次感覺麻麻所以在我的腦海已沒有印象，近日睇番BLOG友Lioncity推介決定俾多次機會佢﹗就係呢間喇﹗石峽尾道一號，地址好易記﹗比起我三年前來好明顯有裝修過，而家有間鋪頭有冷氣的﹗今日我就坐左入去喇﹗有電視睇添，我當然叫左啤酒先啦﹗飲燕京有計傾﹗今日來係因為好想食蟹，先來一個薑蔥炒肉蟹﹗一兩九蚊，呢隻佢話十二兩喇﹗確係多肉，關節位仲帶有少少膏添﹗肉身比較腍不過好重蟹味，超級鮮甜入口豐膄滿足，薑蔥吊味吊得岩岩好，惹味得來不會嗆走蟹鮮，好正呀﹗個鉗成個碗咁大架﹗正啊﹗呢碟叫做麻辣雞絲，本來仲以為係乾身既菜，點知咁多汁呢﹗$40一碟份量很多很多，入口真係麻辣好鬼惹味。雞肉以為普通點知佢整得出奇地鮮嫩，仲要滑滑溜溜，加埋0的粉絲如你愛吃飯的話真係送兩碗飯都仲得呀﹗試大排檔我有一個執著，就係一定要試下佢地既小炒王﹗每間大排檔都一定有的小菜，用料同埋味道都好反映間野下次仲洗唔洗再幫趁﹗愛文生的小炒王味道很不錯啊﹗韮菜炒得又香又爽口，仲有鮮香既韮王做襯底，最緊要一樣野係
石峽尾街的愛文生，兩三年前來過一次，不過那次感覺麻麻所以在我的腦海已沒有印象，近日睇番BLOG友Lioncity推介決定俾多次機會佢﹗
就係呢間喇﹗石峽尾道一號，地址好易記﹗
比起我三年前來好明顯有裝修過，而家有間鋪頭有冷氣的﹗今日我就坐左入去喇﹗
有電視睇添，我當然叫左啤酒先啦﹗
飲燕京有計傾﹗
今日來係因為好想食蟹，先來一個薑蔥炒肉蟹﹗一兩九蚊，呢隻佢話十二兩喇﹗
確係多肉，關節位仲帶有少少膏添﹗
肉身比較腍不過好重蟹味，超級鮮甜入口豐膄滿足，薑蔥吊味吊得岩岩好，惹味得來不會嗆走蟹鮮，好正呀﹗
個鉗成個碗咁大架﹗正啊﹗
呢碟叫做麻辣雞絲，本來仲以為係乾身既菜，點知咁多汁呢﹗
$40一碟份量很多很多，入口真係麻辣好鬼惹味。
雞肉以為普通點知佢整得出奇地鮮嫩，仲要滑滑溜溜，加埋0的粉絲如你愛吃飯的話真係送兩碗飯都仲得呀﹗
試大排檔我有一個執著，就係一定要試下佢地既小炒王﹗
每間大排檔都一定有的小菜，用料同埋味道都好反映間野下次仲洗唔洗再幫趁﹗愛文生的小炒王味道很不錯啊﹗
韮菜炒得又香又爽口，仲有鮮香既韮王做襯底，最緊要一樣野係佢既蝦乾夠哂多，我就最鬼鍾意食蝦乾架喇﹗
入面仲有腰果啦、魷魚粒啦、磨菇、菜甫等等﹗樣樣野都香口，用黎送酒過下口癮真係一流﹗
補祝返個十八月天，飲杯﹗
就係呢度喇﹗愛文生，下次吹雞叫多0的人來食先﹗
更多相更多相:
http://hk.myblog.yahoo.com/smallsmalllin/article?mid=10159
张贴
