開飯主義

营业中

休息中

星期六上午行山，中午落到去大埔墟公園仔附近搵食，午餐時段，差不多間間食店外面都有一條小人龍，我們行了一圈睇咗外面餐單，就選這間取票等候，等了大約十五分鐘就可入座。環境一般也較狹窄，香港地貴無辦法，價格不算貴，份量也足，食品賣相靚，但食材就好一般，味道未能與賣相同步。朋友點了口水雞飯，只是微辣，口水雞汁唔掂，雞肉有啲鞋。炸蝦雞皇焗飯 - 唯一優點就是熱辣辣，炸蝦脆皮厚，雞肉無味，我嫌米飯過軟。唔知係咪受嘈雜環境影響，連啲飲品我哋都覺得麻麻😅。