喜歡裡米線

营业中

休息中

大角咀呢度真系好多野食，是日黎到呢区收货后便到附近揾食，见到米线舖便决定食佢了，坐低后睇睇餐牌，哗，不得了，劲多选择！米线套餐，自选面餐，碟头饭，仲有劲多小食。一时间决定唔到食咩添，哈哈，最后都系决定食米线，本来就因为佢入店㗎嘛。点了腩肉，生菜，溏心蛋麻辣小锅米线，卤豆腐同冻柠茶。溏心蛋不算太流心，但几有蛋香，腩肉软腍入味，半肥瘦正啊，再加两条菜平衡下。米线爽口，呢个硬度好对胃，汤底鲜味，第一次食怕太辣，所以只要了bb辣，但bb辣真的好bb，哈哈，不够辣，连忙叫店员帮手加辣，加左辣就啱啦，够麻够辣先过引呀～好多无食过就叫了卤豆腐小食，一碟有六大旧，吸满卤水汁好正。见隔离枱食饺子面好正咁，又追加了一份自家手工菜肉饺，大大只好饱满，皮薄馅鲜，好好味～冻柠茶够冰冻，解辣啱晒。小店内贴满食物相片，选择困难症呀，哈哈。下午茶仲有特价餐添呀，好抵食。