岩鹽日本料理 (利舞臺廣場) (已結業)

同屋企人去咗銅鑼灣行街，想食日本嘢，就去咗喺利舞臺廣場上面嘅呢間岩鹽日本料理 🫶🏻位置夠晒方便。見到菜單選擇好豐富，有壽司刺身仲有串燒，其中有啲仲幾特別，而且價錢唔貴。🔶八爪魚意大利風沙律 $78八爪魚片🐙配以甜酸醬，雖然話係意大利風，我就覺得幾有東南亞風味，少少泰式feel ，都幾特別，甜酸開胃。🔶 壽司火炙穴子壽司（$52/2件）原條大大件非常抵食，入口柔嫩味道細緻，而帶子蟹籽沙律軍艦（$48/2件）鮮味十足，肥美嘅油甘魚腩壽司（$58/2件）充滿魚脂鮮香。🔶蟹肉芝士天婦卷 $68呢個卷物都幾特別，蟹肉芝士卷沾上天婦羅粉，然後油炸，入口香脆，炸得很乾爽，亳不油膩，口感豐富。🔶吉列忌廉蟹肉餅 $58炸得不油不膩外脆內軟餡料足，入面軟滑creamy 。🔶串燒點左幾款串燒，包括紫蘇豚肉腸串（$35）丶燒西京豬頸肉串（$20）丶燒雞肉丸串（$20）丶汁燒墨魚串（$20）。其中我就最鍾意紫蘇豚肉腸串，入口有陣香料香。🔶飲品火龍果乳酸梳打 （$38）分層顏色夢幻，靚！攪勻之後入口乳酸味重，甜度剛好。蘋果醋梳打（$32）酸酸地夠晒開胃。