Comfy by Chef's Stage (東廣場)

营业中

休息中

今日考完試去咗觀塘東廣場覓食，見到有間西餐廳幾吸引，就同屋企人入去試吓😆餐牌選擇豐富，有餐湯、各式各樣嘅小食、主菜、甜品，每樣望落都好精緻😛✨法式蟹肉龍蝦湯配酸種麵包✨龍蝦湯十分濃郁，亦唔會過鹹，裏面亦有唔少蟹肉，配上酥脆嘅酸種麵包，十分出色。✨黑松露薯條✨黑松露薯條份量好多，灑上滿滿嘅黑松露粉，唔點醬已經有好香嘅黑松露味。餐廳配上兩款醬汁，茄汁同黑松露醬，個人都係鍾意點黑松露醬，令黑松露味更加突出😆✨明太子珍寶帶子意粉✨一道西日 fusion 嘅主菜。滿滿嘅紫菜同埋明太子醬，配上三粒超大粒嘅帶子同麵包脆條，濃郁得來又唔會太漏。✨香煎美國雞胸✨相對較為普通嘅主菜，但係雞肉都算嫩滑，唔會感覺上好鞋，側邊亦都配上咗一個西蘭花薯撻，幾特別😇✨伯爵茶焦糖燉蛋✨有驚喜嘅一道甜品，表面焦脆，內裏卻十分綿滑，伯爵茶味好突出，唔會過甜，十分出色，值得推薦😇✨飲品✨叫咗巨峰提子梳打同柑桔雙檸梳打，兩款都好 refreshing 😌，吸睛度都好高😍整體而言，呢一間西餐廳食物質素高，值得推薦。