影片
更多
2017-11-20
11852 浏览
仲記得五月嘅時候，有朋友生日，一行七人黎到呢度食放題，當時諗要食乜都揀左一段時間，因為想方便各人，就揀左荃灣區，又睇過好多食評話呢間唔錯，所以黎到呢度，好好笑，仲撞到舊同事添，咁最終我地都覺得呢間質素不俗。今日約左其中一位朋友再訪，都有個幾月時間冇見，呢段時間都食得比較多火鍋，於是我地決定選擇放題，一早預訂好位置，而且我地來得比較早，所以都唔需要再等候，直接入座，其實佢地就食兩個鐘，一至四730pm前離座就$198/位，但730pm後要$238，早食早享受啦餐廳嘅位置都幾多，鐘意食放題嘅人為數不少，仲以為早輪冇咩人，但都好full，好快坐滿，我地兩個被安排坐卡位，都幾闊落，唔會話覺得逼狹。食物選擇都多，特別係飲品食物有刺身、壽司、創作壽司、軍艦、天婦羅、燒物、湯麵、鐵板燒、甜品等。飲品方面多到數唔哂，有紙包裝、樽裝道地，罐裝汽水、啤酒等，另外有個甜品櫃，蛋糕、泡芙、水果呢啲自取。最後食埋dreyers雪條~有左上次經驗，一黎到我地就先寫好刺身、壽司，就遞紙，跟住先慢慢寫熟食。咁今次都唔係等左好耐。刺身方面有三文魚、北寄貝、白肉豚、油甘魚、甜蝦、赤蝦、赤貝、希靈魚、玉子、鮑片、帶子、中拖
餐廳嘅位置都幾多，鐘意食放題嘅人為數不少，仲以為早輪冇咩人，但都好full，好快坐滿，我地兩個被安排坐卡位，都幾闊落，唔會話覺得逼狹。食物選擇都多，特別係飲品食物有刺身、壽司、創作壽司、軍艦、天婦羅、燒物、湯麵、鐵板燒、甜品等。飲品方面多到數唔哂，有紙包裝、樽裝道地，罐裝汽水、啤酒等，另外有個甜品櫃，蛋糕、泡芙、水果呢啲自取。最後食埋dreyers雪條~
有左上次經驗，一黎到我地就先寫好刺身、壽司，就遞紙，跟住先慢慢寫熟食。咁今次都唔係等左好耐。
刺身方面有三文魚、北寄貝、白肉豚、油甘魚、甜蝦、赤蝦、赤貝、希靈魚、玉子、鮑片、帶子、中拖羅。大概等左廿分鐘就上枱，都唔算話好耐，第二輪我就食到咁上下就遞紙，以免要等太耐。咁刺身我同朋友都係樣樣點少少因為唔知邊樣好食，咁試左覺得新鮮先再點，以免浪費。第一輪份量基本上都跟足我地寫嘅份量上菜，唔會話亂俾或者俾唔足。三文魚算係放題黎講比較靚，肥美冇筋，我主要加單都係寫三文魚。北寄貝、赤貝爽口，食落唔乾，但就未至於話好鮮。甜蝦同赤蝦都試左，個人認為赤蝦比較新鮮不過食放題都好難講，睇彩數，呢度質素算穩定。拖羅、白豚肉同油甘魚同上次感覺一樣，比較普通，我地就冇特別去encore。
其實佢地嘅刺身、壽司類都合格，壽司款式都幾多，舊飯又唔會話過份大舊。松葉蟹腳壽司、香芒大蝦卷、青瓜鰻魚反卷、辣汁炸蝦卷、芥辣八爪魚、火炙壽司其實都唔錯，不過始終我地唔會點太多壽司，哈哈。
熟食我地就冇樣樣試哂，因為食完盤刺身都飽飽地。
熟食有天婦羅、鐵板牛油帶子、炸雞翼我地都有再點！燒物食得比較多，鹽燒海蝦、燒雞串、牛舌、羊架都唔錯。
因為唔係第一次黎，所以都約略心裡有個譜，可能因為上次係紅日，收費高少少；今日平日黎，人又冇咁多，價錢都係二百頭，咁又可以接受。環境方面ok啦，訂左位唔會話好似其他放題咁，仲要排隊入。服務方面正正常常，唔差但亦唔係特別好咁；加上我地今次得兩丁友，食唔到好多野，就冇話經常加單，所以都冇遇到漏野嘅情況
餐牌：
张贴
