味滿

营业中

休息中

今日同朋友發掘到呢間位於天后 選擇豐富又抵食嘅粥麵店 - 味滿。套餐非常抵食，揀任何一款正價粥麵飯，加錢可配1-2款小食。柱侯牛腩撈麵$50牛腩肉厚多汁，十分入味，撈麵軟硬度剛好，食落有彈性，拌濃郁腩汁，滋味無比。豬肚粥$45豬肚彈牙美味，白粥底綿滑度令人驚喜，而且唔會過度調味，讚。蝦籽芥蘭+$22 芥蘭加上乾蝦籽，增添鮮味。油炸鬼+14熱辣辣，脆度出色！鯇魚片腸粉+$28 腸粉同鯇魚片都滑一滑，加左薑絲唔會有腥味。紅油三寶+$32水餃 雲吞皮薄餡靚，紅油辣度夠，十分惹味。