影片
更多
2019-07-02
29 浏览
近排晚晚都有追看「烈火雄心」，當中飾演古天樂細佬嘅演員就係鄧一君。其實之前已經睇過報導，知道佢喺油麻地開咗間車仔麵外賣店「一君士多」，估唔到店舖開業只是短短幾個月，近日已再下一城，於尖沙咀開咗分店。新店位於尖沙咀堪富利士道6號，門面用上淺木色作設計，店內地方不大，間隔呈長方形，以木檯配白色膠櫈為主，牆上掛滿可愛插畫，配上天花的照蛋燈，裝潢充滿了香港情懷。點菜紙包羅萬有，除了餐廳主打的車仔麵外，還有多款熱賣特色飯、招牌麵食、日式咖喱飯、風味小吃、甜品和冷熱飲品等，果然做到好似「士多」一樣，應有盡有。 先來幾個小食做前菜，呢款係押上店名的一君炸蛋 ($28)，其實所謂炸蛋即係炸鵪鶉蛋。鵪鶉蛋用滷水汁滷過，然後再炸，入口外脆內軟，而且一咬即爆出豐饒蛋黃，超邪惡。南乳豬手 ($32) 豬手大大件，入口充滿膠質，另外豬手皮、脂、肉三者亦夠腍滑，南乳味道恰到好處。墊底嘅蘿蔔亦非常好吃，烹調入味，既清甜又無渣。蘑菇芝士雞翼 ($32)，廚師將芝士蘑菇釀入無骨雞翼內，一咬開即時在口中洋溢著肉汁，雞肉很嫩滑，入口滿載芝士嘅鹹香。另外炸蝦餅 ($28) 同炸蟹鉗 ($32) 味道亦唔錯，蝦餅嘅蝦味雖然未算
近排晚晚都有追看「烈火雄心」，當中飾演古天樂細佬嘅演員就係鄧一君。其實之前已經睇過報導，知道佢喺油麻地開咗間車仔麵外賣店「一君士多」，估唔到店舖開業只是短短幾個月，近日已再下一城，於尖沙咀開咗分店。
新店位於尖沙咀堪富利士道6號，門面用上淺木色作設計，店內地方不大，間隔呈長方形，以木檯配白色膠櫈為主，牆上掛滿可愛插畫，配上天花的照蛋燈，裝潢充滿了香港情懷。
點菜紙包羅萬有，除了餐廳主打的車仔麵外，還有多款熱賣特色飯、招牌麵食、日式咖喱飯、風味小吃、甜品和冷熱飲品等，果然做到好似「士多」一樣，應有盡有。 
先來幾個小食做前菜，呢款係押上店名的一君炸蛋 ($28)，其實所謂炸蛋即係炸鵪鶉蛋。鵪鶉蛋用滷水汁滷過，然後再炸，入口外脆內軟，而且一咬即爆出豐饒蛋黃，超邪惡。
南乳豬手 ($32) 豬手大大件，入口充滿膠質，另外豬手皮、脂、肉三者亦夠腍滑，南乳味道恰到好處。墊底嘅蘿蔔亦非常好吃，烹調入味，既清甜又無渣。
蘑菇芝士雞翼 ($32)，廚師將芝士蘑菇釀入無骨雞翼內，一咬開即時在口中洋溢著肉汁，雞肉很嫩滑，入口滿載芝士嘅鹹香。
另外炸蝦餅 ($28) 同炸蟹鉗 ($32) 味道亦唔錯，蝦餅嘅蝦味雖然未算超濃郁，但入口彈牙唔油，沾酸甜醬吃，充滿泰式風味。至於蟹鉗亦炸得夠曬靚仔，大大隻，脹卜卜，而且食落毫不油膩。
食完咁多煎炸熱氣嘢，要叫返碟郊外油菜 ($12) 平衡一下，是日油菜為蠔油生菜，生菜灼得青綠爽脆，入口少油少鹽，既清新又健康。
麵食方面，本來想點碗自選三餸車仔麵，不過見霸王麵 ($98) 用料更加豐富，麵內有多款高級食材，包括鮑魚、廣島蠔、花膠、花菇和帶子，相當豪氣，所以即時轉呔。單係麵底就已經有成 10 款可供選擇，揀咗油麵，鮑魚小巧彈牙、廣島蠔鮮甜嫩滑、而花膠亦炆得入味夠腍，不會黏口；冬菇厚身、咬落多汁。湯底用上豬骨煲，而且無落味精，誠意十足。
飲品方面，點咗龍眼冰 (跟餐+$15) 同菠蘿冰 ($25)，龍眼冰入面充滿大大粒的龍眼肉，果香味澎湃，甜度很適中。菠蘿冰水準亦不俗，雖然並非以新鮮菠蘿炮製，不過味道亦頗清甜。
一場嚟到，當然要食埋甜品先走，呢客香蕉成熟船 ($48) 非常之有睇頭，除咗有兩球香甜嘅雪糕同圍邊嘅新鮮香蕉之外，仲有格仔餅同朱古力脆筒，面頭更淋上朱古力醬，分量十足之餘亦落足心思。雪糕嘅口味可以自己揀，有朱古力、荔枝、曲奇妙趣、雲呢拿同芒果可供選擇，加上以紙遮作裝飾，完全係畫龍點睛。 今次試咗好多小食同超豪華嘅車仔麵，吃得很滿足，下次有時間會再嚟試下新出嘅「火山芝牛」同「海龍王泡飯」。
张贴
