爭鮮迴轉壽司 (始創中心)

营业中

休息中

已經有一段長時間無幫襯過D壽司店! 近日天氣太局, 攪到無咩胃口, 於是乎想幫襯吓D壽司店.去到始創中心, 未行到去元氣已經見到人成十多人係門口等位, 局住轉場, 想話離開, 先發現原來地庫開咗間爭鮮!最緊要係晚飯時段居然無咩人排隊, 雖然唔多想幫襯爭鮮, 但女友熊熊想食爭鮮, 唯有乖乖坐底....唔多想幫襯爭鮮, 原因係幫襯過一次官塘廣場外賣店就屙到七彩, 從此6年都無再幫襯, 如果唔係女友熊熊想食, 相信都唔會坐底.今次幫襯堂食店, 第一個感覺係服務唔多掂, 例如.... 係門口等咗好耐無人理, 我坐嘅位地下又唔多乾淨, 壽司膠蓋砌到山咁高係條輸送帶又無人理, 壽司又唔見出得多, 但廚房位就人多多, 鄰枱一男一女投訴落咗單等咗好耐無聲氣要取消單....但我食完離場, 見到門口突然排長龍! 奇怪....論食物質素, 飯團份量係細咗少少, 鬆散咗少少唔夠實, 三文魚, 魷魚等份量算適中, 話哂8蚊一碟兩件, 一份錢一份貨.論餐廳質素, 選擇唔夠多, 想食吓D小食八爪魚仔又無, 無墨魚仔, 無手卷, 連飲品都無咩選擇, 想飲凍嘅綠茶都無.突然間....好掛住明將....