六丸(居食屋)日本料理 (已結業)

旺角通菜街都好多餐廳 今日同朋友黎左呢間非連鎖式嘅居酒屋試下！餐廳空間都幾大～～ 感覺幾適合一大班朋友來聚餐🥰！Menu上選擇好豐富～ 有套餐有刺身壽司唔同嘅鍋類等等～😋朋友就揀左幾款唔同嘅野食試下！首先叫左啲刺身～ 都幾新鮮～價錢又合理 可以想食幾多叫幾多！之後黎嘅係煎餃子🥟！熱辣辣脆卜卜😍😍😍又juicy~~好驚喜嘅炸三文魚皮❤️‍🔥❤️‍🔥薄脆得黎又有一層薄薄嘅三文魚肉！超正！三文魚同芥辣八爪魚壽司都好新鮮～～蕃茄湯牛肋肉烏冬！係濃稠的蕃茄湯！入面仲有溏心蛋、木耳絲、鳴門卷！誠意滿分～烏冬份量唔少～ 仲要係煙韌的烏冬！👍🏻👍🏻👍🏻整體評分：🤍🤍🤍適合多人聚餐嘅日式居食屋～Menu選擇多！大家都會揀到想食嘅野！黎到旺角可以一試😛😛😛