炉端金 (已結業)

好鍾意食日式放題但放題通常係夜晚, 次次都食到頂住個肚瞓覺唔係好舒服. 所以一直都想搵間食中午放題. 朋友介紹話呢間好食就二話不說即刻同個朋友去試.中午放題12-3:30pm, 每位$390 +10%. 任何信用咭都有7折.坐低之後侍應同我地講會有一份刺身. 呢份刺身有海膽,三文魚, 帶子, 北寄貝, 蝦, 吞拿魚,八爪魚同油甘魚, 另外龍蝦同蟹鉗係熟嘅. 全部都好新鮮, 三文魚好厚身. 我就最鍾意油甘魚同北寄貝. 清酒煮蜆都幾清甜.天婦羅叫咗南瓜, 蕃薯同舞茸菇. 炸粉唔會好厚食落唔覺好熱氣. 最好食係舞茸菇, 菇味好香. 芝士軟殼蟹, 海膽三文魚碎同芥茉八爪魚卷物細細舊味道不錯.鱈魚干好好味, 有鱈魚鮮味之餘因為輕輕燒過, 所以脆脆地又香口, 用嚟送酒一流!飲品種類好多, 唔止汽水, 紅酒白酒清酒啤酒, 連炭燒咖啡都有.仲要任飲.岩晒慢慢傾計至好.甜品款式亦都好多, 日式西式都有. 我就鍾意日式特別係有芝麻果兩款.