合桃緣 (已結業)

同朋友食飽飯，周圍行吓，不知不覺行到去廣華醫院對面商場，發現入面原來有好多唔同店鋪，我地就係咁，被吸引住，越行越入，見到有一間糖水鋪。想想行左一段時間，有些微肚餓，就食過糖水，當宵夜吧!雖然是一間小店，但擺設尚算整齊企理，我和朋友坐下後，打開menu,見到糖水款式都多樣化，有中式及西式糖水，就連西式糕餅都有，林林總總選擇都有。我地叫左個熱嘅“杞子桃膠糖水”，同埋凍嘅“榴槤西米露”。西米露甜配榴槤香，朋友話算滑口，味道好夾。我個人就唔食榴槤呢d咁重口味嘅甜品。另外，選了個熱食桃膠糖水，聽講桃膠有滋陰功效，對女性身體甚為有益，對皮膚都會有好處。糖水裡面有杞子，有清肝明目功效。食兩個糖水，都已經有點夜，於是，我就送朋友去搭巴士，然後自己先放心回家。