囍 (已結業)

今日天不造美，午飯時間一出門口就落大雨，原本想去碼頭嗰邊個熟食中心間星馬餐廳食lunch，但太大雨就去返近啲嘅地方搵食。由碼頭嗰邊經天穚上到宏利大廈，見到第一間餐廳門口貼咗個set lunch menu，仲要係密密麻麻好似好多選擇，入面又大又光猛，就唔諗咁多決定入去食。一坐底睇menu，差不多有成50個set lunch可選，仲有幾個set係做緊特價，三十幾蚊咋，去茶仔都唔得啦。正價都唔見得貴，另外如果叫便當、定食、魚生丼套餐，仲有得無限添珍珠米飯、漬物、味噌湯。算係抵食。揀好就可以剔紙仔。我叫左個牛肉壽喜燒套餐。牛肉半生熟，加，想食熟啲可以擺入湯淥熟佢，金菇豆腐蔬菜樣樣齊，個湯甜度適中，整體味道都不錯，我好快已經消滅咗一碗飯，仲出去添多咗一碗。食到差不多一點都已經坐滿晒人，我地早到，三個人坐卡位，都幾舒服。又發現多一個新地方可以舒適地食飯～唯一要改善就係餐廳好似人手不足，其中一個餐個麵豉湯催咗三次先嚟，可能咁啱午飯時間多人落單所以啲少少亂啦。不過都係少問題，最緊要好食抵食又舒服。