大本瀛日式放題

营业中

休息中

早兩日放工約左個朋友出旺角食野，大家都唔知食咩好，經過兆萬見到呢間大本瀛好似幾抵食，就拎埋張傳單上嚟睇下係唔係真係咁抵食！位置方便已經係一大優勢，所以上到嚟都見到好多檯已經坐滿，我哋都等左陣先有位！位置主打4人檯，後面都仲有d多人坐既檯！野食都幾多選擇，除了日式食品外，仲有泰式食品，好似東陰公，生蝦刺生呢d咁！超過十張食物紙選擇，真係幾難揀！點完野食，我哋就去拎飲品，飲品選擇都叫豐富，有汽無汽，有糖無糖，啤酒汽水滿滿擺滿兩個雪櫃！刺生好快送到，賣相吸引，三文魚幾肥美，生蝦鮮甜，泰式醬汁都幾惹味！小食選擇都幾多，我揀左幾樣，估唔到連尖椒皮蛋都有！食完小食，壽司都好快送到，相中可見壽司種類都幾多，除左生既食品外，仲有大大件羊扒，不過整體來說，生既食物比熟既更出色！卷物賣相都好正，各種刺身都幾鮮甜，軟殼蟹手卷內裡既軟殼蟹非常脆口！食過生既食物，都要試下其他熟食！焗蠔芝士勁多，蠔又甜美，推介！究辦有幾豐富？一張相就睇晒，有天婦羅啦，一口牛柳粒，炸蠔等等