滿屋日本料理 (大鴻輝(荃灣)中心) (已結業)

荃灣有好多出色既餐廳，呢間滿屋係荃灣大鴻暉中心，之前食過一次，覺得唔錯，今次再同朋友去。佢有好多選擇，真係樣樣都想食。刺身方面，叫左我最愛既甜蝦同北海島帶子。甜蝦都算新鮮，帶子細細粒，咬落好鮮味，我都忍唔住再叫左一round。至於劍魚腩同油甘魚有油脂甘香，相當唔錯。壽司方面，海膽伴拖羅茸，海膽既咸香，加埋拖羅好夾，好creamy。另外，蟹膏皇帝蟹腳壽司都幾出色，咬落啖啖蟹肉，好滿足。另外，我都好鐘意食火炙壽司，火灸芝士三文魚壽司同和牛唔錯，經過火燒後，油香更加突出，係口入面回甘。熟食方面，燒牛舌同吉列蠔好值得推介。燒牛舌唔會燒到過曬籠，好驚有時燒太乾，就會好難咬，但好彩無伏。吉列蠔有水準，炸粉唔太厚。飲品唔單止一般汽水，甚至梅酒同清酒都有。如果唔想沖茶，甚至有暖好左既紙包茶飲品，幾細心。最後甜品，食埋Hagen Daz焦糖雪糕收尾，好完美。