上海老正興菜館 (已結業)

印象中哩間嘢都好似好多年，入到去感覺上都確實如此，唔係單單因為大部份嘅伙計都係上晒年紀，而係佢內籠一樣上晒年紀，都幾殘殘舊舊。本應老店可以有老店的氣質，有懷舊嘅味道，但晌度感覺好似缺乏咗D朝氣同幹勁，可能咁啱今日又少人幫襯，所以總有D遲暮黃昏嘅感覺！以尖沙咁區而言，三十零蚊一個客飯，真係抵食過去快餐店，奈何食物水準普通，只有靠熟客仔頂住！點咗一個回窩肉客飯，加個鮮肉小籠包同上海炒年糕！其實D伙計都幾好招呼，都有禮貌，一起手就哩咗一大兜例湯，味道普普通通咁。回窩肉幾惹味，絕對有上海嘢嘅澴油赤醬嘅特色，但豬肉無乜，椰菜就大把；鮮肉小籠包比較厚皮咗，所以一口咬落去小籠包個頂頂會成舊粉，同埋豬肉餡唔夠汁，些少乾身；凈番個上海炒年糕，中規中矩，味道再濃D仲好！