長龍食府 (已結業)

食得多街飯總會掛住住家飯嘅味道。其中蒸餸就特別想食，貪小油健康又有媽媽的味道，又可以多食兩啖汁撈飯儲米氣。開係上環小巷畢街嘅長龍食府，唔係同事帶我來都唔知道有間咁嘅嘢。晏晝遲少少嚟都真係好似都招牌咁排晒長龍。主打蒸餸鹹魚肉餅、鹹蛋肉餅、瑤柱水蛋等等。今日就同同事分別叫左藕粒冬菇肉餅同豉汁蒸排骨飯。俾咗錢先然後坐低好快就有位叔叔拎熱辣辣嘅飯過嚟。拎啲汁撈飯真係好正，啲肉好新鮮唔會好似出面咁梅晒，係用心之作。啲飯好快食晒都唔緊要因為免費任加。不過湯係要加錢嘅，如果免費送埋例湯就正啦。食完個人充滿力量好正好舒服，係中環健康午餐之選！