影片
更多
2004-05-15
15 浏览
知道呢度新開冇耐，又正值母親節，實好多人；所以一早已經打電話o黎訂o左位，仲要食第一輪6:00pm，以免訂第二輪要呆等～訂位果陣問果接線生當晚可否散叫；接線生當時係答我冇問題o既。母親節當日，未夠6點已經去到；一去到大門，場面非常震撼～小小o既大門位置已經企o左起碼三、四十人。因為有訂位，我地亦準時獲安排入座。看見檯上只得母親節套餐，便問侍應拿散叫菜牌～誰知侍應回答當晚只供應母親節套餐，我地聽見之後即時有種被騙o既感覺。最後我地亦只好叫個$398母親節4人套餐，有鹽焗雞半隻，帶子花枝片，竹笙海皇羹，雲腿芥菜；仲有梅菜扣肉或粟米石斑塊～屋企人怕肥，棄扣肉揀石斑塊，略嫌美中不足；套餐之外仲加多一客$50炸大腸。當晚上菜速度之快簡直驚人～由落單起計，至所有送菜放晒嚮檯面，須時絕對少於5分鐘。正因為咁，都幾肯定送菜係預先煮好，溫度亦和暖，完全冇獲氣可言。味道方面，海皇羹、花枝片、芥菜同石斑塊因為處於半涼半熱狀態下，都幾難覺得好食；尤其石斑塊，炸粉太硬，斑塊冇味，好差啊！若果揀梅菜扣肉應該會好味D。彈o左咁耐，其實都唔係冇好o野～個鹽焗雞就真係好正！就算嚮和暖o既狀態，肉質鮮嫩有雞味，明顯唔係用
母親節當日，未夠6點已經去到；一去到大門，場面非常震撼～小小o既大門位置已經企o左起碼三、四十人。因為有訂位，我地亦準時獲安排入座。看見檯上只得母親節套餐，便問侍應拿散叫菜牌～誰知侍應回答當晚只供應母親節套餐，我地聽見之後即時有種被騙o既感覺。
最後我地亦只好叫個$398母親節4人套餐，有鹽焗雞半隻，帶子花枝片，竹笙海皇羹，雲腿芥菜；仲有梅菜扣肉或粟米石斑塊～屋企人怕肥，棄扣肉揀石斑塊，略嫌美中不足；套餐之外仲加多一客$50炸大腸。當晚上菜速度之快簡直驚人～由落單起計，至所有送菜放晒嚮檯面，須時絕對少於5分鐘。正因為咁，都幾肯定送菜係預先煮好，溫度亦和暖，完全冇獲氣可言。味道方面，海皇羹、花枝片、芥菜同石斑塊因為處於半涼半熱狀態下，都幾難覺得好食；尤其石斑塊，炸粉太硬，斑塊冇味，好差啊！若果揀梅菜扣肉應該會好味D。
彈o左咁耐，其實都唔係冇好o野～個鹽焗雞就真係好正！就算嚮和暖o既狀態，肉質鮮嫩有雞味，明顯唔係用雪雞，沙薑亦好香，好味啊！炸大腸衰在唔係即炸，但居然仲幾脆，okay啦。可惜呢個套餐o既甜品唔係客家茶果，只係紅豆沙～若果唔係定必又一驚喜。
Service真係唔錯，D阿伯阿嬸侍應可能經過訓練，比嚮旺角舊店果陣有禮貌，又密密幫我地添茶。埋單唔算貴，連白飯下欄茶芥加一都係$540，抵食o丫。不過當晚可能因為母親節關係失準，或者遲D再o黎多次，睇睇食物水準會否有所改善啦。
张贴
