影片
更多
2017-11-10
1545 浏览
由義大利番香港三個星期後仲未想食西餐🤷🏿♀️ 約左老朋友週末喺尖沙咀飯聚，揀左之前雜誌介紹過、新開既中泰越餐廳 皇后小聚。喺加連威老道近The One有門口可搭電梯到一樓既餐廳。餐廳裝潢好有設計感，有卡位、長枱或圓枱，一大班人或三五好友食飯都可以。事先已經訂左枱，不過可能新開張加上樓上舖關係，唔算好多人，週末都唔full呢。坐得舒服又唔嘈，我地足足食左兩個幾鐘😆翻開menu，發現唔可以叫佢做fusion菜 - 餐廳只係同時提供中菜、泰菜、越菜呢。越菜選擇少，主菜較多係中式，廚師推介既時令菜單比較吸引；侍應會好熱心介紹主打菜色。落單後上菜好快！先食冷盤 青木瓜沙律 - 青木瓜刨得好幼好薄，加上花生碎同芝麻令味道冇咁單調。清新酸甜，係我杯茶😛 如果可以加入青芒果絲就更好。越式扎肉蒸粉包 - 一碟得三隻，我冇食到粉包。不過拌碟既醃蘿蔔、醃椰菜好爽脆，清晒！招牌瑤柱雞(半隻) 、另加油飯 - 份量適合四至六人。有啲似白切雞不過入味好多，就算係雞胸都唔會鞋，點附送既蔥油或泰式酸辣醋汁好夾。油飯軟硬適中，合格。冬蔭海鮮湯 $238 - 推介呀！聞到已經食指大動！足夠分五碗，有原隻鮮蝦、青口、蘑菇、
餐廳裝潢好有設計感，有卡位、長枱或圓枱，一大班人或三五好友食飯都可以。事先已經訂左枱，不過可能新開張加上樓上舖關係，唔算好多人，週末都唔full呢。坐得舒服又唔嘈，我地足足食左兩個幾鐘😆翻開menu，發現唔可以叫佢做fusion菜 - 餐廳只係同時提供中菜、泰菜、越菜呢。越菜選擇少，主菜較多係中式，廚師推介既時令菜單比較吸引；侍應會好熱心介紹主打菜色。
落單後上菜好快！先食冷盤 青木瓜沙律 - 青木瓜刨得好幼好薄，加上花生碎同芝麻令味道冇咁單調。清新酸甜，係我杯茶😛 如果可以加入青芒果絲就更好。
青木瓜沙律
21 浏览
0 赞好
0 留言
越式扎肉蒸粉包 - 一碟得三隻，我冇食到粉包。不過拌碟既醃蘿蔔、醃椰菜好爽脆，清晒！
招牌瑤柱雞(半隻) 、另加油飯 - 份量適合四至六人。有啲似白切雞不過入味好多，就算係雞胸都唔會鞋，點附送既蔥油或泰式酸辣醋汁好夾。油飯軟硬適中，合格。
招牌瑤柱雞(半隻)
21 浏览
0 赞好
0 留言
冬蔭海鮮湯 $238 - 推介呀！聞到已經食指大動！足夠分五碗，有原隻鮮蝦、青口、蘑菇、蔥薑九層塔等大量泰式香料，同出面啲冬蔭功比好鮮味！係我全晚最欣賞既一度菜😍冇最正宗既咁辣，食唔到辣野既人都可以淺嚐。
冬蔭海鮮湯
21 浏览
1 赞好
0 留言
蝦球蛋花咖哩、另加蒜茸包 - 蝦球係炸大蝦，比冬蔭功既蝦厚肉一倍，啖啖肉幾爽口，係我唔特別喜歡炸物🙈 第一次食蛋花咖哩，味道普通唔算好泰式喎🤔 蒜茸包有五片，厚度只比普通白麵包稍厚，與上星期喺旺角青花既相比差太遠呢。
蝦球蛋花咖哩
37 浏览
0 赞好
0 留言
鮮魚湯杞子浸菜心 $98 - 菜心點整都唔會難食，重點喺魚湯度 -- 又係勁鮮！杞子為鮮魚湯加上一抹甜，收碗時已見碗底。
芒果糯米飯 $48 - 好細好細碟，只係茶杯碟既size，只有三塊芒果、兩羹少得可憐既白糯米飯，全晚敗筆。pathetic到完全唔記得影相😑九龍城泰國雜貨店$15一盒都好食過、大份過佢一倍👎🏻
唔記得影menu/receipt，好多菜式都唔太記得價錢，只記得有茶介、埋單每人$250，可接受。如果喺尖沙咀想一班人舒舒服服坐低食泰國野，依度係唔錯既地方，不過某幾款食物唔值得試啦。
张贴
