川善茶居 (已結業)

有見openrice 好評如潮，同事們便建議到川善茶居午饍，小店佈滿古色古香的擺設，感覺優閒，食個tea hea 下食件cake 飲杯茶可能是個不錯的選擇，但是次到來午餐，menu 選擇不多，只有類似all day breakfast 或三文治類的食物，而且全以素食為主，午餐亦不包括飲品，所以飲品都要加$20 芝士奄列奄列算是大份，應該用了很多隻蛋，平日食開的奄列唔係有火腿就係煙肉，這裡中間包住車厘茄和芝士，沒有肉，每一啖除了食到蛋還是只有蛋，對於我這些平日唔會冇肉落肚的人，感覺真係好寡，只有芝士的膩而沒有飽的感覺。伴碟的麥包香脆，配以自家制的香甜果醬，算是整碟最好食的。同事點了豆腐漢堡，漢堡食得多，素食漢堡真係未試過，仲要係用豆腐件代替漢堡扒，真係好寡all day breakfast 算是最豐富，以為有條腸，其實也是素腸，同事食過話感覺好怪。lunch 價格大約介乎$7x-9x，食幾隻蛋、豆腐，唔係好抵囉~