福岡.烏龍魚男 (已結業)

今日晚餐食我最愛嘅日本野，呢間餐廳都幾岀名架喇，之前係飲食雜誌見過，終於試到！一坐低，侍應就擺低茶同一小杯水果酒，水果酒好易入口，仲有幾粒爆爆珠。我地最後點左個九段刺身同串燒，刺身set揀左特盛，店員話特盛就一定會有牡丹蝦、海膽同拖羅，如果唔係就廚師決定，仲可以揀跟魚生飯或者烏龍麵。等左都好一陣終於上菜，呢個擺碟好適合影相打卡！店員好快講左係啲咩刺身，其實我完全聽唔到，最緊要聽到重點由上食到下，刺身都ok正常水平，拖羅好食，海膽就合格啦！Set我地揀左魚生飯，仲有碗麵豉湯，無乜特別。呢個七段串燒都唔錯，一次過可以試好多款，牛舌、荔枝煙肉同蕃薯仔都好好味，係牛肉粒有啲韌。