天機棧 (已搬遷) 新店位置

中學同學聚會，本來打算去cafe，但再三決定之後，見到間野有個cafe個字，誤打誤撞下揀左呢度，一共十六個人夜晚就咁踩左上去(之前bk左台).....由於我地十六個人既關係，比左二樓一半地方我地，但見到環境極好，幾pair情侶o係另一邊度享受緊(可能因為情人節之後一日,唔少人補祝既關係)，深知不妙，成大班人鬼殺咁嘈，嘈到其他享受緊既人，比人叫靜少少...所以，環境其實一流，氣氛好好，有柔和既蠟蠋同音樂，真係適合情侶黎享受二人世界，如果一大班fd黎gathering就最好唔好啦。食物方面，叫左個焗咖喱海鮮意粉，幾用足料，味道都唔錯，其他朋友嗌特色意粉果d睇落都ok，不過略嫌細份左少少...野飲方面，唔洗加錢跟餐果d飲品麻麻地，嗌左杯即磨凍咖啡，同一復茶餐廳無分別，反而朋友嗌左杯熱既就有返少少水準，個樣同味道聽佢講都唔錯(佢對咖啡都有一定既要求)。而有d朋友嗌左特飲，賣相幾好，佢地都覺ok。服務方面，我地一行十幾人好嘈好煩，成日嗌呢樣果樣，個哥哥仔都幾好人，無嬲不單止仲係咁同我地玩講笑，最後仲同佢傾左幾句，佢叫我地下次可以試下包場。但係有時有另一位好似高級少少既哥哥仔上左二樓serve我地