牛舞日本燒肉‧涮涮鍋放題 (1亞太中心) (已結業)

今日約咗班friend嚟觀塘，夜晚就book咗日式燒肉放題🥩打算食盡佢！呢間牛舞喺亞太中心，門面好大，環境光猛，除咗有燒肉放題，仲有打邊爐，但地方依然十分企理乾淨✨我地目的明確，揀咗日本薩摩和牛放題 $598，而個牛舞拼盤係送嘅😍雖然係送，但係用真正和牛，一睇就知係靚品種，可以試哂唔同部位。我最鍾意就係薄切和牛，雪花分布平均，入口即溶，淨係食呢個拼盤都好抵👍🏻另外薩摩牛肋肉都值得一讚！分別有韓式辣汁同燒肉汁原味，各有特色。仲有甲羅燒，大大隻，蟹膏多到暈🦀我哋成班人仲叫咗什錦刺身、章魚小丸子、榴槤炸彈、野菜沙律等等，全部都話呢餐好正，食到飽飽，下次一定會再幫襯😋😋