更多
2010-12-21
今日一家人出街食晚飯,食完對細路話想食甜品, 咁就係屋企附近散散步順便揾下有無佢地啱食既甜品屋, 點知比個大仔一眼昅到有間成間日本料理咁既甜品屋, 我地就入去試下. 講真d裝修係幾好feel, 入到去班細既馬上除鞋跳上果tatami坐, 跟住又比d大大粒爆谷佢地食,搞到佢地好開心.跟住我諗住叫d甜品食,佢地張menu雖然係有漢字同日文,但係我睇落真係唔係幾明,結果都係要揾個waitress介紹下.佢第一樣介紹左個泡啤啤比我d細路,個仔就好開心以為自己喝啤酒,其實係青蘋果汁.再叫左個琼脂,又係有得玩,自己要張條琼脂放落個木長方形桶,然後加壓就變成一條條好似麪條咁,呢d野當然比細路做啦...再加柚子蜜一切食,好過癮好好食,個女好鍾意.我同老公就覺得個涼果點綠茶粉同紫薯好正,又唔太甜. 不過d份量就”的息”d,佢地睇黎貴精不貴多.我地都未試過食甜品食左成差不多一個鐘,真係幾過癮!
张贴