To-Gather Cafe (已結業)

平時聽倒金雞就係諗起篤波同網吧今次就去左間cafe食下野。一入到黎有個happy corner，有好多小遊戲適合大家gathering嘅時候挽。一個人黎，都有雜誌同電視俾你睇解下悶。因為真係好肚餓，所以叫左個拼盤。拼盤都真係幾多種食物嫁，每樣都有啲，大家可以樣樣都試下又唔會太飽。不過對每樣都食小小真係唔夠飽，所以我地都叫左個餐。餐湯係粟米湯，個湯都幾傑口，不過好在唔係好大碗，如果唔係飲完個湯都飽。前菜有沙律，個沙律都幾大個，面頭係芝麻醬，入面菜嘅種類都幾多嫁。主菜係呢個黑松露海鮮西班牙飯。啲飯偏霖，不過勝在夠多汁，煮得好入味。而且面頭啲蝦仲好爽口添。