泰金國 (已搬遷) 新店位置

都有一排冇黎九龍城食泰菜，呢間勁出名，所以。。。排隊排十世呀大佬。鋪頭細細，所以座位唔多，加上要排隊就起碼等一個鐘。。。7點黎到排，8點半先入得座。大熱天時大家真係要諗諗啦燒豬頸肉勁出色，好香。必叫。蝦醬炒通菜，好好食，炒得好香口。仲叫咗個炒飯，金邊粉，細size小食拼盤呢三樣就正正常常啦 冇特別好味大熱天時好推薦大家叫個芒果沙冰🥰🥰即刻解暑清涼！其實九龍城咁多間泰菜大家睇返想支持邊間囉，要排隊真係要諗下先啦遲啲天氣冇咁熱，大家可以趁晚市開鋪就黎食咁就冇咁辛苦喇。總結都真係抵食既，有時間不妨黎返轉。如果好怕熱要等位，又怕唔乾淨既咁就未必好適合你黎食喇。