影片
更多
2015-12-13
390 浏览
吸睛！好似話燒烤煙囪起源於韓國，係當地仲好hit添呀。呢間總店係韓國既餐廳要保留總店特色，又點可以少得呢條標誌性既煙囪呢。紅色嘅半圓燈罩同餐廳嘅黑色主色調有撞色效果，更特別既煙囪其實係仲係一個檯燈！先食前菜。最令人眼前一亮係士多啤利醬沙律，感覺清新，以水果醬汁入饌再配以沙律，有意想不到既協調感。不過如果撇開新鮮感不談，沙律味道偏甜，我個人較喜歡以酸味作為基底既傳統沙律。不過同座既朋友就反而鐘意呢種甜既整法。仲有其它韓式前菜，食韓式烤肉點可以無泡菜輔助？首先叫左一碟朴將軍秘製豬頸肉配惹味芝士飯。女經理/老闆話辣味都幾辣，但辣得好香。而原味用同款既秘製醬汁，味道一樣但就只有少量辣味。同行友人同我食辣程度一般，就揀原味喇。好快就上碟喇，有個怕怕羞羞得幾可愛既oppa幫我地親手炮製，先燒豬頸肉，再加入醬汁、配料、飯同芝士。據說醬汁黎自韓國總店，配方不單係秘密，甚至係韓國申請埋專利。味道的確唔錯，有韓式風味，而且突出左豬頸肉既味道！鐵板就真係一塊鐵既板直接放係個火爐上面，外形同一般韓式烤肉唔同，可能因為傳熱較快，可以鎖住肉汁，感覺豬頸肉幾juicy，仲好惹味！最搞笑係oppa將飯炒成心形，十個趣
吸睛！好似話燒烤煙囪起源於韓國，係當地仲好hit添呀。呢間總店係韓國既餐廳要保留總店特色，又點可以少得呢條標誌性既煙囪呢。紅色嘅半圓燈罩同餐廳嘅黑色主色調有撞色效果，更特別既煙囪其實係仲係一個檯燈！
先食前菜。最令人眼前一亮係士多啤利醬沙律，感覺清新，以水果醬汁入饌再配以沙律，有意想不到既協調感。不過如果撇開新鮮感不談，沙律味道偏甜，我個人較喜歡以酸味作為基底既傳統沙律。不過同座既朋友就反而鐘意呢種甜既整法。仲有其它韓式前菜，食韓式烤肉點可以無泡菜輔助？
首先叫左一碟朴將軍秘製豬頸肉配惹味芝士飯。女經理/老闆話辣味都幾辣，但辣得好香。而原味用同款既秘製醬汁，味道一樣但就只有少量辣味。同行友人同我食辣程度一般，就揀原味喇。好快就上碟喇，有個怕怕羞羞得幾可愛既oppa幫我地親手炮製，先燒豬頸肉，再加入醬汁、配料、飯同芝士。據說醬汁黎自韓國總店，配方不單係秘密，甚至係韓國申請埋專利。味道的確唔錯，有韓式風味，而且突出左豬頸肉既味道！鐵板就真係一塊鐵既板直接放係個火爐上面，外形同一般韓式烤肉唔同，可能因為傳熱較快，可以鎖住肉汁，感覺豬頸肉幾juicy，仲好惹味！最搞笑係oppa將飯炒成心形，十個趣！
再黎一個秘醬牛仔骨。同一個oppa又黎招呼我地。牛仔骨配以幾塊切左片的杏鮑菇。牛仔骨肉味濃郁，而且同秘製豬頸肉一樣，醬汁都係呢個菜最出色既一環。韓式風味同牛仔骨配搭得宜，先聞到一陣陣既香味已經食指大動。特別鐘意佢調味唔會過重或過輕，燒得微焦既肉裡面緊緊鎖住肉汁，每一口都非常滿足。食完真係想學Gordon Ramsey咁講番句，This is amazing!
只係食肉有少少悶，所以仲叫左個水冷麵。麵身彈牙，旁邊有醋同芥茉提供，分量隨自己喜好調節。但整體味道一般，唔會覺得好讚，比較喜歡日本餐廳既出品，下次去未必會再點喇！整體黎講有驚喜，無論食物既製法、味道甚至係造型，都有別出心裁既構思。價錢唔算平，但幸而質素對得住個價錢，我地兩個食肉獸都比正評呀！
张贴
