影片
更多
2019-04-20
148 浏览
香港好少鐵板燒餐廳, 就算有都散叫居多, 價錢偏貴, 要食到飽真係好易超出預算。早排經過尖沙咀接到傳單, 得知附近開左間鐵板燒放題, 相約同事今晚放工一齊去食返餐! 充滿期待既心情諗住可以邊睇大廚處理鐵板燒過程, 邊食邊傾下計, 點知安排入座才知道我們不屬鐵板位邊座位, 非常失望! 原來全店只有四個鐵板爐, 餐廳告知座位都是隨機安排, 可唔可以坐到鐵板位旁座位, 就看看當時運氣了~ 而我地就坐在另一邊, 等著職員送上已煮好既鐵板燒食物, 基本上同平時食日式放題無異, 氣氛減半! 今晚只好遠望"鐵板燒", 換作任飲任食的日式放題!入座後, 先送上一整盤刺身, 每款刺身都整齊排好, 喜歡邊一款就可以再encorn!魚類刺身均切得帶點點厚度, 刺身沒有腥味, 赤蝦最為出色, 大大隻又肥美, 鮮味!可惜三文魚質地林, 沒有魚油香, 吞拿魚有點乾, 帆立貝大大粒鮮甜, 整體刺身質素中等啦~飲品方面自取, 以罐裝汽水為主返返黎主打既鐵板燒, 以ORDER紙落單, 不得不讚野食上檯速度超快, 似乎係鐵板廚師都忙著不停地燒, 應付大家心急需求 (始終放題都有限時)檸檬牛油煎魚扒: 質地幾滑, 冇骨,
早排經過尖沙咀接到傳單, 得知附近開左間鐵板燒放題, 相約同事今晚放工一齊去食返餐!
充滿期待既心情諗住可以邊睇大廚處理鐵板燒過程, 邊食邊傾下計, 點知安排入座才知道我們不屬鐵板位邊座位, 非常失望!
原來全店只有四個鐵板爐, 餐廳告知座位都是隨機安排, 可唔可以坐到鐵板位旁座位, 就看看當時運氣了~
而我地就坐在另一邊, 等著職員送上已煮好既鐵板燒食物, 基本上同平時食日式放題無異, 氣氛減半! 今晚只好遠望"鐵板燒", 換作任飲任食的日式放題!
入座後, 先送上一整盤刺身, 每款刺身都整齊排好, 喜歡邊一款就可以再encorn!
魚類刺身均切得帶點點厚度, 刺身沒有腥味, 赤蝦最為出色, 大大隻又肥美, 鮮味!
可惜三文魚質地林, 沒有魚油香, 吞拿魚有點乾, 帆立貝大大粒鮮甜, 整體刺身質素中等啦~
飲品方面自取, 以罐裝汽水為主
返返黎主打既鐵板燒, 以ORDER紙落單,
不得不讚野食上檯速度超快, 似乎係鐵板廚師都忙著不停地燒, 應付大家心急需求 (始終放題都有限時)
檸檬牛油煎魚扒: 質地幾滑, 冇骨, 充滿牛油香
羊架: 生熟度掌握得唔錯, 容易咬開, keep到juicy肉汁
法式鵝肝配多士: 多士林, 鵝肝似乎過熟, 未至於入口即溶
薄切牛肉卷洋蔥粒: 牛肉煎得太乾, 淋左燒汁吊味, 平衡一下乾身質地, 但咬入中心位, 還是乾的, 有洋蔥粒增加口感層次
帶子: 比較乾, 唔太食到原汁原味
壽司方面有卷物、壽司、軍艦
吉列蝦最有驚喜, 熱辣辣, 炸皮鬆脆, 入面隻蝦係爽
菠蘿微酸帶甜, 蕃薯仔同埋翠肉瓜偏油淋淋
燒物既牛舌幾爽, 雞翼開邊, 但KEEP到原汁原味, 唔會太乾
燒汁鰻魚口感林, 表面有甜甜鰻魚汁, 唔錯
突然對面鐵板位火光一起, 吸引全場目光嘩嘩聲, 火光大得衝上了天花,
就連店內警鐘都響起, 果然很有氣氛!
最後當然到甜品時間, Haagen-Dazs雪糕任食, 正啊!!!
张贴
