優之米 (已結業)

岩岩上一篇話補返另一間食花膠既食評！咁放埋做下一篇。 大家可以比較下呢間其實係見倒有人介紹雞湯好飲。 所以接埋女朋友入去試下。 可能食飯時間， 加上細鋪坐位唔多， 都係外面排左陣隊。 既然黎得既， 梗係試佢既花膠雞湯米線+ 花膠雞湯飯！ 真係好重雞湯味， 唔係雞粉味， 個色水真係膠得出煮左好耐。 花膠好大塊， 比想像中大， 米線正常。 但我會飲晒d湯佢， 冬天既過成身暖晒， 好舒服。 小食叫左， 豬耳， 土豆絲， 蓮藕片。 樣樣都好開胃， 爽丫。 半隻雞， 應該係細雞， 所以都好嫩滑。 如果鍾意花膠，呢間都係必試之一， 因為性價比都幾高幾抵食， 飽住走。