影片
更多
2012-05-17
15 浏览
喺屋企樓下開左一間，終於得閒落一落去食番餐。叫左個午餐：鐵板蒜茸牛扒$68、白飯另加$5、轉凍檸樂另加$3。個餐有齊湯、多士。正常水準啦，唯一彈嘅係有一塊多士唔脆。牛扒黎啦！鐵板持續好耐都好熱，即使7成熟牛扒都爽口，內裡夠肉汁，可能就係因為塊板夠熱，令外層封住肉汁免得流失。唯一不足係可以再落多d汁，因為塊板持續熱左都幾耐，d汁都乾哂，食到最後無汁點呀！環境：人唔多，坐得幾舒服。食完坐喺度打食評都冇人趕我走。慳電膽燈光ok,已經比出面d扒房光猛。服務：d叔叔都係一貫水準，實而不華，簡單直接唔虛假，都唔明其他食家點解咁話d叔叔。你想要劉德華式服務咪去連鎖店囉。價錢：Ok.以今時今日食材同租金黎講，個價係正常。麥記都平均接近30蚊一齊，美心大家樂都四十幾蚊，喺度鋸個扒六、七十蚊我覺得合理。主於廉唔廉，見人見智啦！
叫左個午餐：鐵板蒜茸牛扒$68、白飯另加$5、轉凍檸樂另加$3。
個餐有齊湯、多士。正常水準啦，唯一彈嘅係有一塊多士唔脆。
牛扒黎啦！鐵板持續好耐都好熱，即使7成熟牛扒都爽口，內裡夠肉汁，可能就係因為塊板夠熱，令外層封住肉汁免得流失。
唯一不足係可以再落多d汁，因為塊板持續熱左都幾耐，d汁都乾哂，食到最後無汁點呀！
環境：人唔多，坐得幾舒服。食完坐喺度打食評都冇人趕我走。慳電膽燈光ok,已經比出面d扒房光猛。
服務：d叔叔都係一貫水準，實而不華，簡單直接唔虛假，都唔明其他食家點解咁話d叔叔。你想要劉德華式服務咪去連鎖店囉。
價錢：Ok.以今時今日食材同租金黎講，個價係正常。麥記都平均接近30蚊一齊，美心大家樂都四十幾蚊，喺度鋸個扒六、七十蚊我覺得合理。主於廉唔廉，見人見智啦！
张贴
