影片
更多
2010-08-19
9 浏览
為了減磅，buffet自然成為頭號封殺對象。難得生日，朋友仔又無咩時間幫我慶祝，於是俾我過下癮，請我食buffet。見OR呢度都幾多好評，仲有任食movenpick同8折coupon，一於揀呢度啦。大概12點半到，大半個場已經坐左人。見到四周既檯面都有大堆龍蝦仔殼蝦殼青口殼，似乎大家都唔想執輸，一到12點就即刻走去拎海鮮。雖然破例食buffet，但我都好節制架。主要都係食salad、生果，甜品雪糕都係同朋友仔一齊分享。冷盤龍蝦仔凍蝦，我地嫌麻煩所以都無食。青口一般。三文魚朋友仔拎左幾次，應該不錯。沙律DIY的配料很新鮮，食落索索聲，加埋麵包碎更加無得頂。豬頸肉沙律同韓式粉絲沙律都好醒胃，食完一碟又一碟。熱盤羊扒不騷，但好軟熟，值得一試。香茅雞翼正，入味。煎餃子唔知擺左幾耐，邊邊位已經乾硬化。甜品生果盤上面堆甜品都不對口味，可能是處於室溫的關係，尤其係不凍既慕絲實在難食!不過近門口有款朱力蛋糕勁好味!好好彩，我係差唔多食完，諗住拎杯熱飲時發現，得返一舊!朱力蛋糕好重朱力味，好rich好滑。原本想睇下仲會唔會再出，不過諗深一層，件cake咁滑好可能係落左勁多牛油! 一諗到呢度就唯有放棄走人
難得生日，朋友仔又無咩時間幫我慶祝，於是俾我過下癮，請我食buffet。
見OR呢度都幾多好評，仲有任食movenpick同8折coupon，一於揀呢度啦。
大概12點半到，大半個場已經坐左人。
見到四周既檯面都有大堆龍蝦仔殼蝦殼青口殼，似乎大家都唔想執輸，一到12點就即刻走去拎海鮮。
雖然破例食buffet，但我都好節制架。
主要都係食salad、生果，甜品雪糕都係同朋友仔一齊分享。
冷盤
龍蝦仔凍蝦，我地嫌麻煩所以都無食。
青口一般。
三文魚朋友仔拎左幾次，應該不錯。
沙律
DIY的配料很新鮮，食落索索聲，加埋麵包碎更加無得頂。
豬頸肉沙律同韓式粉絲沙律都好醒胃，食完一碟又一碟。
熱盤
羊扒不騷，但好軟熟，值得一試。
香茅雞翼正，入味。
煎餃子唔知擺左幾耐，邊邊位已經乾硬化。
甜品
生果盤上面堆甜品都不對口味，可能是處於室溫的關係，尤其係不凍既慕絲實在難食!
不過近門口有款朱力蛋糕勁好味!好好彩，我係差唔多食完，諗住拎杯熱飲時發現，得返一舊!
朱力蛋糕好重朱力味，好rich好滑。原本想睇下仲會唔會再出，不過諗深一層，件cake咁滑好可能係落左勁多牛油! 一諗到呢度就唯有放棄走人。
雪糕
食了兩勻movenpick，有雲尼拿朱古力檸檬士多啤梨乳酸忙果提拉米蘇7種味道。
朋友仔鍾意雲尼拿，因為入面有好多雲尼拿籽，好多雲尼拿味!
而我就鍾意有朱力碎碎既朱古力。
至於檸檬士多啤梨乳酸忙果就麻麻，樣樣都好鬼酸。
得一隻匙，搞到每款都有其他味既跡，好核突!
生果
西瓜菠蘿哈蜜瓜蜜瓜，普通。
张贴
