鼎王麻辣鍋 (金巴利道) (已結業)

嚟到尖沙咀見到係台灣好出名嘅鼎王麻辣鍋出現，本來仲心諗短期內去唔到台灣非常之可惜，不過好在而家都可以係尖沙咀有一個可以食到台灣地道風味嘅麻辣鍋餐廳。於是即刻決定要入嚟試試，睇吓同台灣嘅有咩分別，夠吾夠正宗。入到黎當然叫返個基本款，叫咗個鴛鴦鍋。冇估到佢嘅麻辣湯底一樣咁出色，鴨血非常之滑嫩入味，而且好彈牙。而另一個酸菜湯底好夠味，好開胃。我真係食鴨血都食得好滿足，添左好幾次。但係一場嚟到又點可以唔叫番份牛小排呢。牛肉都非常之靚，脂肪分布均勻，見到就流晒口水，入口非常之嫩，絕對同台灣本店有得一比。