一郎 (已結業)

平時食晏都鍾意搵新地方，近日走去漢口道，搵到呢間過江龍拉麵店一郎，每日用超過100斤豬骨熬湯，骨髓精華盡顯在奶白色的湯內，講到咁吸引，冇理由唔試吓。總共來了兩次，我覺得基本上各款麵及小吃水準平均，湯底各有特色，溫泉蛋、叉燒、麵質及其他配料組合適當，價錢克製，以日本海外店來說算抵食基本的白郎君只售 $88，份量足夠，湯頭濃、唔膩，溫泉蛋好滑，叉燒亦滑。而限定君－黑松露拉麵貴$100，賣 $188，基本上就是多了黑松露，份量好多、好香，都係值嘅。我幾鍾意溫泉蛋冷豆腐，夠滑，只售 $38。唐掦炸雞都好，同樣賣$38。突然想飲波子汽水 $24枝，好夠氣。