茶茶GO (已結業)

食完Lunch又唔想買咖啡飲就來到茶茶Go😌飲品主要分奶茶類，純茶類同水果類。另外仲帶奶蓋揀 😋呢間店員對飲品係有要求既，因為本身我地想飲松印桂花烏龍再加小芋圓。店員溫馨提示我地因為佢地個種芋圓係有少少芋泥，配奶茶類會比較好！可見佢地唔會為左賣而亂推介👍🏻京都抹茶玉露 加小芋圓👍🏻抹茶無得揀健康甜，味道較濃，小芋丸有食到芋頭粒粒！同抹茶都好夾 😋松印桂花烏龍 加寒天條 愛玉凍本身要左健康甜，所以桂花甜味較淡，茶味較重！加左寒天條同愛玉凍即刻口感提升左，有啲咬口又好似無食珍珠咁肥😂夏夜白桃烏龍見到有原個茶包係入面！都係因為要左健康甜，白桃味比較清，而茶味較濃，清清地唔錯👍🏻其實呢間仲有麵包賣，下次有機會再試下！👍🏻