影片
更多
2020-04-05
111 浏览
行開銅鑼灣見到一間新開嘅台式滷味店，呢間食肆竟然係逆市之中都能夠大排長龍，立刻激發起我嘅好奇心去一試龍與鳳。呢間台式滷味店本身係台灣都有分店，店內目測應該坐20零人到。食物方面主打係好似車仔麵咁樣嘅叫法，除此之外都有小食同埋台式飲品。主食我叫咗稻庭烏龍麵+豬腱肉+大腸+雞翼+杏鮑菇+高麗菜 同埋 王子麵+豬耳朵+雞翼+白蘿蔔。感覺有啲似撈麵，滷味都滷得相當入味，特別係豬耳朵同埋豬腱肉，口感幾爽唔會滷都淋晒。香炸花枝丸拼貢丸香口得來，爽口彈牙仲有肉汁添，唔會因為炸過而成粒乾晒。滷肉飯細細碗幾精美而且冇乜肥肉，感覺健康啲😂適合鍾意食滷肉飯但係又驚肥嘅朋友。蘋果鹽酥雞即叫即炸，所以出到嚟外皮香脆內裏嘅雞肉嫩滑，旁邊嘅薄片蘋果，美觀之餘可以中和下炸雞嘅熱氣。紅茶豆漿/冷泡桂花烏龍茶豆漿飲落有啲似台式奶茶，唔太甜，口感好滑。烏龍茶茶味香濃，由於佢係樽裝，所以仲可以帶返屋企沖多幾次。總括嚟講喺銅鑼灣以呢個價錢食到咁嘅質素確實係超值！
呢間台式滷味店本身係台灣都有分店，店內目測應該坐20零人到。
食物方面主打係好似車仔麵咁樣嘅叫法，除此之外都有小食同埋台式飲品。
主食我叫咗稻庭烏龍麵+豬腱肉+大腸+雞翼+杏鮑菇+高麗菜 同埋 王子麵+豬耳朵+雞翼+白蘿蔔。
感覺有啲似撈麵，滷味都滷得相當入味，特別係豬耳朵同埋豬腱肉，口感幾爽唔會滷都淋晒。
香炸花枝丸拼貢丸
香口得來，爽口彈牙仲有肉汁添，唔會因為炸過而成粒乾晒。
滷肉飯
細細碗幾精美而且冇乜肥肉，感覺健康啲😂適合鍾意食滷肉飯但係又驚肥嘅朋友。
蘋果鹽酥雞
即叫即炸，所以出到嚟外皮香脆內裏嘅雞肉嫩滑，旁邊嘅薄片蘋果，美觀之餘可以中和下炸雞嘅熱氣。
紅茶豆漿/冷泡桂花烏龍茶
豆漿飲落有啲似台式奶茶，唔太甜，口感好滑。
烏龍茶茶味香濃，由於佢係樽裝，所以仲可以帶返屋企沖多幾次。
總括嚟講喺銅鑼灣以呢個價錢食到咁嘅質素確實係超值！
张贴
