影片
更多
2006-02-04
5 浏览
4-10-2005 1845一日食兩次印度餐，都係第1次，crazy。在屯門hea完後，搭西及輕鐵接帶我去此店的GT先生，亦係我一生中最friend既網友。之後我地亦都係搭西鐵到錦上路，然後行路到達目的地，他說還比轉車快，因為曾經和他媽媽賭過，沒有他帶路，我也不識來呢！去到後俾我第1個好明顯既感覺係茶記feel，即是連些少印度/巴基斯坦式的裝修都冇，環境要扣分。與GT先生商議一輪後，就點了當晚菜式：烤餅(Nan)、雜果烤餅(Kashmiri Nan)、鑊仔雞(Chicken Kadhai)、咖喱羊(Mutton Curry)及燒烤精選(Tandoori Mixed Grill)咖喱羊既羊就介乎新鮮至冰鮮，咖喱用一般貨識，香味一般，會比一般既辣些少，但可以一試。鑊仔雞睇落去辣味十足，但食落的辣味與羊很不相同，Kadhai初頭以為係一種煮法，其實只是印式鑊仔；轉回正題，煮法是mix埋辣椒及荽茜的種子，再配合不同香料煮埋一齊，味道幾好，望落去都幾油下，但送nan就真係一流。燒烤可以選其中兩款：雞、魚、羊肉卷及牛肉卷，咁我地選了雞及魚、鐵板熱力十足，雞及魚出奇地juicy，不是其伴菜所致，辣味
一日食兩次印度餐，都係第1次，crazy。
在屯門hea完後，搭西及輕鐵接帶我去此店的GT先生，亦係我一生中最friend既網友。之後我地亦都係搭西鐵到錦上路，然後行路到達目的地，他說還比轉車快，因為曾經和他媽媽賭過，沒有他帶路，我也不識來呢！
去到後俾我第1個好明顯既感覺係茶記feel，即是連些少印度/巴基斯坦式的裝修都冇，環境要扣分。與GT先生商議一輪後，就點了當晚菜式：烤餅(Nan)、雜果烤餅(Kashmiri Nan)、鑊仔雞(Chicken Kadhai)、咖喱羊(Mutton Curry)及燒烤精選(Tandoori Mixed Grill)
咖喱羊既羊就介乎新鮮至冰鮮，咖喱用一般貨識，香味一般，會比一般既辣些少，但可以一試。鑊仔雞睇落去辣味十足，但食落的辣味與羊很不相同，Kadhai初頭以為係一種煮法，其實只是印式鑊仔；轉回正題，煮法是mix埋辣椒及荽茜的種子，再配合不同香料煮埋一齊，味道幾好，望落去都幾油下，但送nan就真係一流。
燒烤可以選其中兩款：雞、魚、羊肉卷及牛肉卷，咁我地選了雞及魚、鐵板熱力十足，雞及魚出奇地juicy，不是其伴菜所致，辣味及香味不算強烈，係值得一叫的菜式。雜果烤餅裡有果仁、葡萄乾、芒果乾等等，甜甜地都幾得意，Kashmiri既原意係喀什米爾人/語。區區咁少既nan點夠我地兩位大食友呢？最後都係要點番plain nan，可能係新鮮整關係，好熱下，同埋幾鬆化，係幾有水準的一道印度麵包。
飲品方面，GT先生點了朱古力奶昔，而我就要了少甜既lassi，總結我杯lassi始終係「正常」甜度先至好飲。埋單114，都可以說係食得過的一餐。
題外話：
1.呢度都幾偏僻，去既時候最好問清楚點去。除非有相熟朋友帶路、對這裡地理位置較熟悉或唔嫌遠，否則都唔會有人願意黎；
2.出門口時見住架拖住貨櫃既貨櫃車在約距離燈位100米扒巴士頭，你都未話唔驚險；
3. 巿區係有好多有水準或地道既印度餐館，可以話無需去到咁遠。喜歡周圍去但冇乜機會出埠旅行既我，作為擴闊自己既眼界其中一種，否則不會以「臥虎藏龍的印度餐廳」系列出文，我諗都要一段相當長既時間先再有得延續，甚至就咁完結。我而家最想去覓食既地方係…
一點點知識：
印度菜=咖喱？
人人以為吃印度菜就是吃咖喱，其實印度本身沒有咖喱這個字。Curry這個字是源於泰米爾人（印度南部一個種族）的字「kari」，意思是黑胡椒，泛指所有有汁的菜式，辣的、不辣的都包括在內，vindaloo(巴辣)、Makhani(奶油)、Korma(腰果汁)、Masala(馬沙拉)全部可統稱為「Kari」。只是英國人來到印度後，把kari譯成curry，並把印度人一種常用而帶辣味的汁料稱為curry，才成了現時我們熟悉的咖喱。
张贴
