金水壽司 (已結業)

前晚同細妹去左九龍城廣場最低個層既金水壽司食飯.6,7點間野都係冇咩人, 幾空下..連埋細妹都係得7-8個客我地叫左我地最中意食既珍寶帆立貝, 30幾蚊, 比板長既細舊, 食落呢...冇人地咁鮮味, 唔怪之得咁少人啦...細妹叫左個蒸蛋, 個蛋水汪汪的~唔知係未蒸得唔夠耐呢, 有隻冬姑切花係面, 食落都普通啦~手卷係最好架啦, 叫左軟殼蟹手卷, 都ok既隻軟殼蟹, 仲有蝦子, 唔錯~帆立貝壽司ok一般, 如果珍寶帆立貝同帆立貝壽司我會揀帆立貝壽司抵d最後佢既金水刺身飯唔新鮮既, d飯唔知係未擺得太耐, d刺身就一般啦, 海膽唔好食......下次唔會再黎...又唔係特別平...