燒味滷師 (協邦大廈) (已結業)

過年諗住買外賣番去食，行到紅橋附近，見到有間新開燒味，光亮整齊，仲好多人買外賣，睇下原來都幾平幾抵食。好，睇下食咩好先。至尊燒鵝，上庄比較厚肉，又少脂肪，個皮好脆，咬落卜卜聲。老師傅燒腩仔，平時我唔係好食燒腩仔，因為怕咸，呢度半肥瘦得黎，肉質結實又唔咸，好味！燒味佬叉燒，叉燒係我至愛，喜歡外層嘅蜜汁，甜甜地。客家鹽焗雞，雞肉夠滑，而且啖啖肉，每件雞都斬得好，冇碎骨，好佩服師傅斬料斬全日，真係手都軟。