影片
更多
2011-02-02
13 浏览
第一次路過荃新天地的這間食店，看見人龍不少，其實很想試這間店，但人就是這樣，久而久之就會忘了。是日因為睇戲，諗食乜又是頭痕，但靈光一閃想起這間店，就來碰碰運氣。今天人影都唔多隻，心想是我地好運？還是水準下降依家無人排隊？坐底無耐，侍應拿來餐牌。嘩！真係複雜，好聽ｄ應該係自由，但我真係覺得是過份自由。ABCD的配搭有很多，另外再可加錢要餐湯等等，係呢度唔再多講，相信大家應該去到就明，但就要花點時間去研究。我地兩口子叫了一個A+B+C，另再散叫左一個A，最後再加一個南瓜湯，感覺似去大快樂鋸扒，因為是先去櫃檯俾錢，拎住個牌，就會有人拎野俾你，也跟現今一些burger店沒兩樣。我們的A+B+C，A是煙肉甘荀南瓜汁燴飯，B是熱柚子蜜，C是香草蒜蓉包，咁樣叫即係以A既價錢加$9，即係$43。另加$6可多一客南瓜湯。南瓜湯很清甜，無味精，也很忌廉，上面加左少少杏仁，用意是香一點，但我不喜歡在湯裡加杏仁，感覺怪怪，所以不是我杯茶。蒜蓉包跟餐半份，與其叫蒜蓉包，我覺得更似蒜蓉多士。香、脆，一拎到黎很夠蒜蓉香，但吃下去感覺反而不太蒜蓉，感覺有點失望，還好五件只是多付$4。這裡的意大利飯共有三種濕度和軟硬程
今天人影都唔多隻，心想是我地好運？還是水準下降依家無人排隊？
坐底無耐，侍應拿來餐牌。嘩！真係複雜，好聽ｄ應該係自由，但我真係覺得是過份自由。ABCD的配搭有很多，另外再可加錢要餐湯等等，係呢度唔再多講，相信大家應該去到就明，但就要花點時間去研究。
我地兩口子叫了一個A+B+C，另再散叫左一個A，最後再加一個南瓜湯，感覺似去大快樂鋸扒，因為是先去櫃檯俾錢，拎住個牌，就會有人拎野俾你，也跟現今一些burger店沒兩樣。我們的A+B+C，A是煙肉甘荀南瓜汁燴飯，B是熱柚子蜜，C是香草蒜蓉包，咁樣叫即係以A既價錢加$9，即係$43。另加$6可多一客南瓜湯。
南瓜湯很清甜，無味精，也很忌廉，上面加左少少杏仁，用意是香一點，但我不喜歡在湯裡加杏仁，感覺怪怪，所以不是我杯茶。
蒜蓉包跟餐半份，與其叫蒜蓉包，我覺得更似蒜蓉多士。香、脆，一拎到黎很夠蒜蓉香，但吃下去感覺反而不太蒜蓉，感覺有點失望，還好五件只是多付$4。
這裡的意大利飯共有三種濕度和軟硬程度可供選擇，意大利飯唔係個個都受得到，分分鐘食到胃痛，店子有三款程度既濕度和軟硬，是體貼的。但問題係我下單時收銀完全無提示，就有點失敗了。
煙肉甘荀南瓜汁燴飯，我沒特別更改軟硬度，感覺是不太似正宗意大利飯，改良不是錯，最重要是還能保持神髓。這裡的意大利飯，煮的不硬，忌廉不太重，感覺是為了迎合香港人。煙肉不多，也是加了點杏仁片，杏仁片看來在這裡很常見。整體感覺偏淡，還未能達到我地的要求。熱柚子蜜也是偏淡，沒期望是自家製，但用即沖柚子蜜其實都可以落多少少，印象中很少吃到偏清淡的意大利餐，今次可算第一次。
散叫的意大利黑椒腸薄餅賣相不錯，餅底香脆，小小的pizza一客四件，份量話多唔多。黑椒腸的黑椒應該是後加再加，還以為上面的蠶豆古怪，但吃下去原來那像麥記的甜酸醬才最古怪。整體配搭真的想也沒想過，更加唔敢諗係咪同意大利有關，最後感覺味道不算差，但我也應該不會推介再吃。古怪的一餐，價錢也不便宜，如此價錢質素，我寧可去euro go go，而且最重要係，euro go go近我屋企好多…
张贴
