駿運士多 (已結業)

今日朝早经过附近，顺便嚟呢间名店买早餐，附近都有类似舖头，但即使接近朝早10点，唯独佢呢间系人龙不绝，名店效应真厉害。叫咗以下几样嘢：肠粉4条，$10，齐酱猪肉烧卖2粒，$2.5鱼肉烧卖2粒，$2.5粉粿一只，$5一共$20然后过对面公园慢慢食肠粉，无咩特别，但唔烂、唔硬、唔嚡已经叫合格；粉粿亦无咩惊喜，好食嘅粉粿应该系花生要炸过，够香口而带啲辣味，但交来货式唔系自己做就唔能够要求太多；鱼肉烧卖有鱼味，亦唔会有太多粉；猪肉烧卖其中一粒有筋，而且有肉嘅质感，但无肉嘅香味。总括嚟讲，唔系好似网上留言好食得咁紧要