阮蘭坊 (已結業)

今日去咗新達廣場接阿媽收工， 佢話想食越南菜 ，佢提起運頭塘商場新開咗間越南餐廳， 知道運頭塘商場都翻新咗， 本身都有啲想走去八下， 所以就趁機去試下， 餐廳環境幾光猛，新淨。至尊湯河至尊湯可有牛腩，生牛肉，牛丸，扎肉， 湯底好清甜， 河粉幾爽口 ，牛腩炆得夠淋入味， 份量都幾多，我食完碗麵都差唔多飽。蕃茄蝦膏牛肉湯檬朋友嗌咗個蕃茄蝦膏牛肉湯檬， 我試咗少少， 湯底似係我阿媽喺屋企用真蕃茄煲嘅蕃茄湯， 仲有少少蝦膏嘅香味， 檬粉都幾爽口。扎肉撈檬扎肉撈檬配咗啲沙律菜，乾蒜片 ，醃蘿蔔等， 配撈檬嘅甜酸汁， 幾清新開胃。越南春卷越南春卷用咗紅蘿蔔絲，木耳，豬肉碎等做餡， 春捲外皮炸得夠脆， 可以配越南撈檬嘅甜酸汁一齊食。烤雞紙米卷上菜時店員提議我哋用越南甜醬來配紙米卷， 越南甜醬嘅甜度比起中式甜醬冇咁甜， 不過我都係鍾意用甜酸汁嚟配， 紙米卷嘅餡料有醃蘿蔔，粉絲，烤雞，生菜等， 個紙米卷包得都幾紮實豐滿。