影片
更多
2024-01-25
51 浏览
今日上左去Ms. Rabbit Studio食野，朋友話呢度既野食好徤康，好有營養，成個餐都係3百零4百卡路里，素食/肉食餐都有，仲要好飽肚，搞到我都好懷疑，一於跟佢去試下。個set 都幾豐富， 有法包/蕎麥麵、乳酪、主菜，再整杯奶昔，仲有杯茶添。奶昔有幾款口味揀，紅豆、朱古力、火龍果、芒果。呢杯野有奇亞籽，有蒟蒻，好有口感，好飲，飲完呢杯都飽一半。🤣試左佢個蜜汁烤素叉燒，味道幾像真。食肉獸既朋友，每餐都要有肉，香煎三文魚柳啱佢。沙律都豐富，有蛋、蕃薯蓉、菜，配埋乳酪一齊食，好fresh。最後嘆埋飲茶，真係飽哂，去到夜晚都好頂肚。呢度原來係一間運動結合餐廳既studio，老闆娘希望大家運動後可以食得徤康，所以推出呢個徤康set，就算運唔運動都可以食得徤康。
個set 都幾豐富， 有法包/蕎麥麵、乳酪、主菜，再整杯奶昔，仲有杯茶添。
奶昔有幾款口味揀，紅豆、朱古力、火龍果、芒果。呢杯野有奇亞籽，有蒟蒻，好有口感，好飲，飲完呢杯都飽一半。🤣
試左佢個蜜汁烤素叉燒，味道幾像真。食肉獸既朋友，每餐都要有肉，香煎三文魚柳啱佢。
沙律都豐富，有蛋、蕃薯蓉、菜，配埋乳酪一齊食，好fresh。
最後嘆埋飲茶，真係飽哂，去到夜晚都好頂肚。
呢度原來係一間運動結合餐廳既studio，老闆娘希望大家運動後可以食得徤康，所以推出呢個徤康set，就算運唔運動都可以食得徤康。
张贴
