The Stadium (已結業)

每日都食好嘢，一定要做運動，如果唔係我就變咗肥A！如果可以一路食一路做運動，唔知又會唔會特別效果呢？呢間位於銅鑼灣嘅The Stadium，以運動為主題，入面有桌球枱，仲有跑步道。不過，嘢食都係要趁熱食，食咗再算。黑松露炸薯條份量好多，上面有大量Parmesan cheese，而薯條炸到好香脆，加埋黑松露蛋黃醬，好香好好味。磨菇湯我哋叫set dinner，而餐廳嘅dinner會配上每日唔同款嘅湯，今日就飲磨菇湯，粒粒磨菇，好有口感！鵝肝安格斯牛肉漢堡鵝肝配上安格斯牛肉真係好吸引，入口即熔嘅鵝肝配上鬆軟嘅牛肉漢堡，口感十足！仲有芝士同洋蔥，大大個burger，好滿足！威靈頓酥皮三文魚層酥皮入面有菠菜同三文魚，脆口嘅外皮配上嫩滑嘅三文魚，好有層次，唔錯。